Obama lawng siloin vuleicung ram hruaitu nganngan nih Kawlram athleng tuk rih lo ti an theih ko nain Suu Kyi an uar tuk cio ca deuh ruang tu ah Kawlram an luh thluahmah ko mi hi khuaruah har cu asi deuh. Amah Suu Kyi zong nih Kawlram athleng nemmam rih lo ati ko hna hi mu. Atulio Kawlram monghnak ah ralkap nih an hmanmi phunghrampi (constitution) zong cu azoh thantu buu -Studying, Examining and Reviewing Commission on Legal Affairs and Special Cases ( SERCLAS ) ti cu an ser nain thlen khawh le remh khawh asilomi Than Shwe te group nih Law 156 an ser mi aum. Cu 156 chung ahcun biapi in mipi renghnak ah an hman mi - cozah nawl loin mibu i pumh te hna, (illegal association) le cozah thawngpang - official information poh poh ahcun ralkap nih duhpoh in mi tleih khawh, hren khawh le kham khawh nak nawl an ngeih dih. Suu Kyi zong nih Rule of Law ti kong cu achim len ko nain kei cu Content of Law timi kan phunghrampi nih athlum mi upadi chung ah hin zalonnak nakin hrennak atam deuh rih mi kong tu hi ceih ahau hmasa ti in ka ruah. Democracy phun 20 leng aum i Control Democracy zong cu aum ve ko nain Kawlram democracy cu aum bal rih lo mi Regime Democracy asi rua ka ti. Arab Spring achuaknak kha Regime Change dohnak asi.
