Kan theih lengmang cang bantuk in Pi Suu Kyi le NLD pawl cu kan hnu leiah khan Cozah sin ah Register tuah dingah an rak i tim bantuk in nizan cacawn ni 5 ni ah NLD le Pi Suu Kyi Ara laimi cankar lak i kawlram thimnak ah Pi Su Khi i tel khawh ve ding in ah Naypyidaw zung Thimhnak ding nawl ngeitu zungah register an tuah cang tiah thawng kan theih.
Atu NLD i cozah sin ah Register an tuah mi cungah Rian tuan tu zong 21 tel in sawknak an tuah tiah theih a si. Cu 21 chungah Minung pa 6 hi CEC upa an si lai i, minung 15 hi Miphun ai awk tu le, Fim thiamnak le hruaitu, cun mino lei hruai tu tiah rian tlai cio le ai awk tu hna an si tiah NLD upa nih an chim. cu lawng silo in a tu a ra laimi cankarlak te ah thimnak an tuah mi ah MP 40 caah thimnak tuah ding a si i, cu vialte caah NLD zong i zuam dih dingah timnak an ngei tiah theih a si.
Cu kawng he Pe thlai in Nizan thiam thiam ah Kawlram Min thang hla sak thiam pawl le Hla tuah thiam pawl minung 100 hrawng cu Pi Suu Kyi In ah Tawnnak an ngei i, Pi Suu Kyi Zong nih kanmah le Thiamnak cio in Kawlram a thlennak ding hi kan tuan ceu ding a si i.
Hla phuah thiam hna nih ramhla thatha kan puah piak u cun Hla sa thiam hna nih cu bantuk hla thatha cu kan sak piak u ti zong a chim hna tiah theih a si i, Cuve bantuk in a tu a ra laimi Thimnak cazong ah Hlaphuah thiam hna le hlasak thiam pawl cu Pi Suu Kyi he hmun khat ah dir ti dingah an i thim ve ti thawng kan theigh.
BAWI NEWS
