Uihrut Siangpahrang Senior General Than Shwe
Than Shwe kong a mui hei suaisam khawhnak ding tiang cafung in thai ding khi cu ka ruat bal lo. Kawl Buddhist phun ah aa thleng cangmi India maw Bangladesh dik phun Kala le an cithlah pawl khua an sak tungnak Mandalay pawngte Kyaukse khua chuak si kaw, cu khua celngel ah cun zarh thum rau in research field trip in ka rak ca’m bal i, ka rak hmuhmi hna an khua sining, le Webu Gyaung Sayadaw an timi pa a huham a rak mak ning tbk, cun an vui la’m (Kawlram ah vui-lem le vui hmanthlak a ser bikmi khua le vui la’m puai zong a umnak khua cu Kyaukse lawngah a si) tbk, le Phungki pawl an monastery compound chung hmanh khin, zingka thawh hlan arkhuang bakin phungki thlacam phungchim thawng pinah Muslim pawl biakinn citadel in “Bismil lah hir rahman nir rahim. Al hamdu lil Lahi rab bil aalameen. Ar rahman nir rahim. Maliki yawmid din. Iyya ka na’budu wa iyya ka nasta’een.” ti’in an aukhuan thawng tbk ka rak theihnak khua si hna kaw, ka rem ci an si lo ngai.